Օբաման որոշել է չեղյալ հայտարարել Ռուսաստանի համար սահմանված առևտրային արտոնությունները
ZN.UA-ի փոխանցմամբ՝ ԱՄՆ նախագահ Բարաք Օբաման Կոնգրեսին իրազեկել է, որ մտադիր է չեղյալ հայտարարել Ռուսաստանի համար գոյություն ունեցող առևտրային արտոնությունները: Այս մասին հայտարարել է Սպիտակ տան մամլո ծառայությունը:
Որոշումը բացատրվում է նրանով, որ Ռուսաստանը հանդիսանում է տնտեսապես բավականաչափ զարգացած երկիր և չի զգում առևտրային արտոնությունների կարիք, ինչպես որ ավելի պակաս զարգացած երկրների պարագայում է:
Արտոնությունների չեղյալ հայտարարման դեպքում Ռուսաստանից ԱՄՆ ապրանքների ներկրման դեպքում կգործեն սովորական և ոչ թե արտոնյալ մաքսատուրքեր:
