ՌԴ-ը պատժամիջոցների պատճառով ամսական կորցնում է տասնյակ միլիարդավոր դոլարներ. Շտայնմայեր
Գերմանական Gazeta Wyborcza թերթին տված հարցազրույցի ժամանակ Գերմանիայի արտգործնախարար Ֆրանկ-Վալտեր Շտայնմայերը հայտարարել է, որ Ռուսաստանը պատժամիջոցների պատճառով ամսական կորցնում է տասնյակ միլիարդավոր դոլարներ.
«Դժվար է համաշխարհային բիզնեսի մտահոգությունից տարբերակել պատժամիջոցների արդյունավետության հետևանքները: Սակայն փաստ է, որ հակամարտության պատճառով Ռուսաստանը յուրաքանչյուր ամիս կորցնում է տասնյակ միլիարդավոր դոլար: Հետևաբար թանկ է վճարում:
Սակայն ես չեմ կարող կանխատեսել, թե արդյոք կբավականացնի՞ դա նրա համար, որ Ռուսաստանը սկսի հակվել Եվրոպայի հետ միասին Ուկրաինայում տիրող իրավիճակի կայունացմանը»:
Շտայնմայերը հրաժարվել է կանխատեսումներ անել մայիսի 25-ին Ուկրաինայում նշանակված նախագահական ընտրությունների կապակցությամբ՝ հավելելով, որ Ռուսաստանինն ինքը պետք է շահագրգռված լինի դրանցում, որոնք կհաստատեն ուկրաինական իշխանության լեգիտիմությունը:
