Վարչապետ. կուտակայինի «պարտադիր» բաղադրիչը դե ֆակտո հանվելու է (տեսանյութ)
Վարչապետ Հովիկ Աբարհամյանն այսօր ԱԺ–կառավարություն հարցուպատասխանի ժամանակ պատասխանելով «Բարգավաճ Հայաստան» խմբակցության պատգամավոր Վահան Բաբայանի հարցին, թե արդյոք դուրս է գալիս կուտակային կենսաթոշակային համակարգի «պարտադիր» բաղադրիչը, հայտարարեց, որ այն դե ֆակտո այն հանվելու է։
«Ես ասել եմ ՝ դե ֆակտո, այո՛: Իսկ դա էլ բավական է, որ երկրի վարչապետը նման արտահայտություն է արել»,– ասաց Հովիկ Աբրահամյանը:
Վահան Բաբայանը հայտարարեց, որ որևէ կոնկրետ տեսակետ չկա, բոլորը ակնկալում են նորություններ, բոլորին հետաքրքրում է՝ «պարտադիր» բաղադիչի հարցը դու՞րս է գալիս, պահված գումարները վերադարձվելո՞ւ են թե ոչ: Հովիկ Աբրահամյանն ի պատասխան ասաց, որ իր ուղերձում հստակ այդ հարցին պատասխանել է այնքանով, որքանով որ այսօր հնարավոր է պատասխանել այդ հարցին:
«Եվ ես հիմա ավելացնելու ոչ մի բան չունեմ, քանի որ մենք պետք է այդ հարցը քննարկենք 6 խմբակցությունների հետ, որոնք մասնակցելու են մեր աշխատանքներին: Եվ ես ցանկանում եմ, որպեսի մենք փաթեթով լուծումն առաջարկենք»,– ասաց նա։ Նա նաեւ ավելացրեց, որ գոնե մեկ շաբաթ է պետք ՝ որոշ կազմակերպությունների հետ հանդիպումներ ունենալու համար:
