ԵՄ-ը մտադիր է «Հարավային գազային միջանցքով» գազի մատակարարման երթուղին հասցնել մինչև Իսպանիա
Ռուսական Ведомости թերթի փոխանցմամբ՝ ԵՄ-ը պատրաստվում է «Հարավային գազային միջանցքով» (TANAP և TAP գազատարներ) գազի մատակարարման երթուղին էլ ավելի երկարացնել՝ այն հասցնելով մինչև Ֆրանսիա և Իսպանիա: Ներկա դրությամբ պլանավորված է այն ավարտել Իտալիայի տարածքում:
Այս մասին հայտարարել է Եվրահանձնաժողովի ներկայացուցիչը: 2014-2020 թվականներին պետք է գազատարներ կառուցվեն Իտալիայից դեպի Ֆրանսիա՝ կասպյան գազի մատակարարման համար: Դրա համար ձևավորվել է հատուկ հիմնադրամ՝ 5.8 միլիարդ եվրո ծավալով:
Դա Եվրոպային հնարավորություն կտա մեծացնել Ադրբեջանից գազի մատակարարումները, իսկ հեռանկարում նույն երթուղով կարող է մատակարարվել նաև թուրքմենական ու իրանական գազը: TANAP-TAP գազատարների համակարգը պետք է կառուցվի մինչև 2019 թվականը:
