ՀԱՊԿ-ը կասեցնում է ՆԱՏՕ-ի հետ շփումները. Բորդյուժա
Ռուսական РИА Новости լրատվական գործակալության փոխանցմամբ՝ ՀԱՊԿ-ը կասեցնում է ՆԱՏՕ-ի հետ շփումները՝ կապված Ուկրաինայում տիրող իրավիճակի հետ: Այս մասին լրագրողների հետ զրույցում հայտարարել է ՀԱՊԿ-ի գլխավոր քարտուղար Նիկոլայ Բորդյուժան.
«Առայժմ մենք կասեցնում ենք ՆԱՏՕ-ի հետ համատեղ գործունեության համար շփումներ հաստատելու շուրջ որևէ ջանք գործադրելը՝ հաշվի առնելով այն դիրքորոշումը, որը ՆԱՏՕ-ն այսօր որդեգրել է ուկրաինական ճգնաժամի ժամանակ: ՆԱՏՕ-ն այսօր շանտաժային գործողությունների է դիմում ՀԱՊԿ-ի անդամ երկրների ողջ ճակատով՝ ցուցադրելով, որ իրենք չափազանց դժգոհ են վերջին ամիսներին Ռուսաստանի գործողություններից»:
