Իշխան Զաքարյանը հանդիպել է Ջոն Հեֆերնի հետ
2014 թվականի ապրիլի 16-ին Վերահսկիչ պալատում տեղի է ունեցել ՎՊ նախագահ Իշխան Զաքարյանի և Հայաստանի Հանրապետությունում Ամերիկայի Միացյալ Նահանգների դեսպան Ջոն Հեֆերնի պաշտոնական հանդիպումը:
ՎՊ տարածած հաղորդագրության համաձայն՝ Ջոն Հեֆերնը նշել է, որ իրենք արժեվորում են Վերահսկիչ պալատի գործունեությունը, որն ուղղված է հրապարակայնությանն ու թափանցիկության ապահովմանը: Վերահսկողության մի շարք ոորտներում Վերահսկիչ պալատի հաջողություններն ակնհայտ են:
Հանդիպմանը քննարկվել է նաև Վերահսկիչ պալատի բարեփոխումների ընթացքն ու հետագա անելիքները:
Դեսպան Հեֆերնը պատրաստակամություն է հայտնել աջակցել Վերահսկիչ պալատին կարողությունների զարգացման տարբեր ծրագրերում:
