Իրանն իրավունք ունի ուրան հարստացնել մինչև 90 տոկոս. Սալեհի
Ռուսական ИТАР-ТАСС լրատվական գործակալության փոխանցմամբ` Իրանն իրավունք ունի ուրան հարստացնել մինչև 90 տոկոս մակարդակի: Այս մասին հայտարարել է Իրանի ատոմային էներգիայի կազմակերպության ղեկավար Ալի Աքբար Սալեհին.
«Մենք կարծում ենք, որ մեր երկիրն ունի նույնպիսի իրավունքներ, ինչ Միջուկային զենքի չտարածման մասին պայմանագրի մյուս մասնակիցները: Դա նշանակում է, որ մենք իրավունք ունենք ուրան հարստացնել 1-ից մինչև 90 տոկոս:
Իրանը համաձայնվել է ուրան հարստացնելու իր ծրագիրը կրճատել մինչև 5 տոկոսանոց մակարդակի վրա` բացառապես որպես կամավոր քայլ Ժնևյան համաձայնագրի շրջանակներում:
Իրանը պլանավորել է մոտակա տարիներին կառուցել ևս 4 ատոմակայան: Իրանը մտադիր է հաջորդ ատոմակայանները կառուցել իրանցի ու ռուս մասնագետների ջանքերով»:
