ՀՀԿ-ականի տարօրինակ հայտարարությունը. «Հժ»
«Հժ»-ն գրում է. «ԱԺ ՀՀԿ խմբակցության քարտուղար Հովհաննես Սահակյանը երեկ մեր թղթակցի հետ զրույցում տարօրինակ հայտարարություն է արել: Նա ասել է, որ վարչապետ նշանակելու վերջնական որոշումը սահմանադրորեն պատկանում է երկրի նախագահին։
ՀՀ գործող Սահմանադրությամբ երկրի նախագահը վարչապետ նշանակելու գործում միայն ձևական դերակատարում ունի։ Սահմանադրության մեջ նշված է, որ նախագահը. «ԱԺ-ում պատգամավորական տեղերի բաշխման և պատգամավորական խմբակցությունների հետ խորհրդակցությունների հիման վրա վարչապետ է նշանակում պատգամավորների մեծամասնության վստահությունը վայելող անձին»։
Սահմանադրության մեջ նշված չէ, թե նախագահը Աժ մեծամասնության ներկայացրած անձին կարող է չնշանակել վարչապետ, ինչը նշանակում է, որ այս գործում նրա դերը բացառապես ձևական է»։
Ավելի մանրամասն կարդացեք «Հայկական Ժամանակի» այսօրվա համարում։
