Դոնեցկի մարզխորհրդի նախագահը հրաժարական է ներկայացրել
Интерфакс-Украина-ի փոխանցմամբ՝ Դոնեցկի մարզային խորհրդի նախագահ Անդրեյ Շիշացկին հրաժարական է ներկայացրել: Այս մասին նա այսօր հայտարարել է Դոնեցկում կազմակերպված մամուլի ասուլիսի ժամանակ. «Ես դիմում եմ գրել իմ լիազորությունները վայր դնելու մասին»:
Շիշացկին ընդգծել է, որ մինչև արտահերթ նիստի անցկացումը մարզային խորհրդի նախագահի պարտականությունները կատարելու է իր տեղակալ Իգոր Կովալը: Շիշացկին Դոնեցկի մարզխորհուրդը գլխավորել է մարտի 3-ին:
Հիշեցնենք, որ երեկ հաղորդվել էր, թե չեղյալ է հայտարարվել Դոնեցկի հանրապետության ստեղծման մասին որոշումը:
