«Թող Ադրբեջանը չմտահոգվի». ԱԷԿ ղեկավարը պատասխանել է Ալիևի հայտարարություններին
Ադրբեջանը չպետք է Հայկական ԱԷԿ-ի վիճակով ավելի շատ մտահոգվի, քան ինքը՝ Հայաստանը։ Այս մասին լրագրողներին հայտարարել է ԱԷԿ-ի գլխավոր տնօրեն Էդուարդ Մարտիրոսյանը։
«Ատոմակայանի վիճակի համար առաջին պատասխանատուները Հայաստանի կառավարությունն է և ես՝ որպես դրա ղեկավար։ Թող ինչ-որ մեկը ցույց տա ինձ մեկ այլ կայան, որտեղ արդիականացման հետ կապված 20 խոշոր միջոցառում է իրականացվել 153 օրում», – ասել է Մարտիրոսյանը։
Նա նշեց, որ վերջերս այցելել է եվրոպական երկրներից մեկի ատոմակայան, որտեղ իրեն հայտնել են, որ նման ծավալի աշխատանքների համար շուրջ 6 տարի կպահանջվեր։
Մարտիրոսյանը նաև վստահություն է հայտնել, որ Հայկական ԱԷԿ-ում իրականացված արդիականացման աշխատանքները բարձր գնահատական կստանան ՄԱԳԱՏԷ–ի ներկայացուցիչների կանոնավոր այցելությունների ժամանակ։
Հիշեցնենք, որ օՕգոստոսի 12-ին Ադրբեջանի պետական հեռուստաալիքին տված հարցազրույցում Ալիևը հայտարարել է, որ ատոմակայանի փակումից հետո Հայաստանում էներգետիկ ճգնաժամի վտանգ կա:
Ալիևի խոսքով՝ Բաքուն պատրաստ է Հայաստանին տրամադրել«էլեկտրաէներգիայի լրացուցիչ աղբյուր»՝ նման սցենարից խուսափելու համար։
