ՌԴ ԱԳՆ-ը նոտա է հղել Ուկրաինային
Gazeta.ru-ի փոխանցմամբ՝ ՌԴ ԱԳՆ-ը նոտա է հղել Ուկրաինայի դեսպանատանը՝ իրազեկելով Սևծովյան նավատորմի շուրջ ստորագրված համաձայնագրերի գործողությունները կասեցնող օրենքի ուժի մեջ մտնելու մասին: Այս մասին հայտնել է ՌԴ ԱԳՆ-ի մամուլի ծառայությունը:
Դրանով իսկ Ռուսաստանը հայտնել է, որ ուժի մեջ է մտել այս տարվա ապրիլի 2-ին ընդունված դաշնային այդ օրենքը: Ռուսաստանը նաև հաստատել է, որ պատրաստ է Ուկրաինային հանձնել Ղրիմում մնացած ուկրաինական զինված ուժերի ռազմական գույքը:
