Սպասվում է ԱՄՆ պետքարտուղարի և ՌԴ ԱԳ նախարարի հանդիպումը
Ռուսաստանի արտաքին գործերի նախարար Սերգեյ Լավրովը հայտնել է Նյու Յորքում՝ ՄԱԿ-ի Գլխավոր ասամբլեայի շրջանակներում, ԱՄՆ պետքարտուղար Մարկո Ռուբիոյի հետ հանդիպելու ծրագրերի մասին, հաղորդում է «ՌԻԱ Նովոստի»-ն։
«Նյու Յորքում՝ Գլխավոր ասամբլեայի շրջանակներում, նախատեսված է իմ հանդիպումը նրա՝ պետքարտուղար Ռուբիոյի հետ»,- ասել է ՌԴ արտգործնախարարը։
Այնուամենայնիվ, նա չի հստակեցրել, թե կոնկրետ ինչ է քննարկելու Ռուբիոյի հետ։
ՄԱԿ-ի Գլխավոր ասամբլեայի 81-րդ նստաշրջանը Նյու Յորքում բացվել է սեպտեմբերի 8-ին։ Ըստ ավանդույթի՝ միջոցառման ընթացքում տեղի կունենա «բարձր մակարդակի շաբաթ»։ Ընդհանուր քննարկումները նախատեսված են սեպտեմբերի 22-26-ին և 28-ին։ Ռուսաստանը կներկայացնի Սերգեյ Լավրովը. նրա ելույթը սպասվում է սեպտեմբերի 26-ին։
