Ղրիմում ստեղծված իրավիճակը կարող է խթան հանդիսանալ նոր «Սառը պատերազմի» սկսման համար. Գյուլ
Թուրքական Anadolu լրատվական գործակալության փոխանցմամբ՝ Թուրքիայի նախագահ Աբդուլլահ Գյուլը երեկ Կոպենհագենում հանդիպել է Դանիայի վարչապետ Հելլե Թյորնինգ-Շմիդտի, ինչից հետո կազմակերպված համատեղ մամուլի ասուլիսի ժամանակ անդրադարձել է նաև Ղրիմի դեպքերին:
Գյուլը հայտարարել է, որ մարտի 16-ին Ղրիմում անցկացված հանրաքվեն անընդունելի է Թուրքիայի համար, քանի որ այն հակասում է միջազգային իրավունքին: Գյուլն ընդգծել է, որ Ղրիմում ստեղծված իրավիճակը կարող է խթան հանդիսանալ նոր «Սառը պատերազմի» սկսման համար, ինչը շահավետ չի լինի կողմերից և ոչ մեկի համար:
Գյուլը կարևորել է Ուկրաինայի տարածքային ամբողջականության պահպանումը՝ ընդգծելով, որ Եվրոպայում կան դե-ֆակտո սառեցված այլ խնդիրներ ևս, որոնք Ղրիմից հետո նույնպես կարող են հայտնվել միջազգային օրակարգում:
