Ղազախստանն աջակցել է Ղրիմի բռնակցմանը
Ուկրաինական UNIAN լրատվական գործակալության փոխանցմամբ՝ (Մաքսային միության անդամ) Ղազախստանը մարտի 16-ին Ղրիմում անցկացված հանրաքվեն որակել է որպես «բնակչության ազատ կամարտահայտում»՝ ընդգծելով, որ ըմբռնումով է մոտենում ստեղծված պայմաններում Ռուսաստանի Դաշնության որոշմանը: Այս մասին նշված է Ղազախստանի ԱԳՆ-ի կայքի տարածած հայտարարությունում:
Ղազախստանի ԱԳՆ-ը հայտարարել է, որ կողմ է ուկրաինական ճգնաժամը խաղաղ ճանապարհով կարգավորելուն՝ հավելելով, որ այդ ուղղությամբ բանակցությունները պետք է անցկացվեն ՄԱԿ-ի ու միջազգային հեղինակավոր մյուս կազմակերպությունների հովանու ներքո:
