Իսրայելական ավիացիան հրթիռային հարվածներ է հասցրել սիրիական ռազմական օբյեկտներին
Բրիտանական Reuters լրատվական գործակալության փոխանցմամբ՝ Իսրայելի ռազմաօդային ուժերն անցած գիշեր հրթիռային հարվածներ են հասցրել Գոլանի բարձունքներում գտնվող սիրիական ռազմական օբյեկտներում: Այս մասին հայտնել են Իսրայելի բանակի հրամանատարության ներկայացուցիչները:
Դրանից մեկ օր առաջ իսրայելցի 4 զինվորական Գոլանի բարձունքներում վիրավորվել էր ֆուգասի պայթյունի հետևանքով: Ի պատասխան դրան՝ Իսրայելը հրթիռային հարվածներ է հասցրել սիրիական ռազմական օբյեկտներին: Իսրայելական կողմն անթույլատրելի է համարել Սիրիայի կողմից բռնությունների էսկալացիան:
Իսրայելը Գոլանի բարձունքներին տիրել է 1967 թվականին Սիրիայի դեմ մղած պատերազմի արդյունքներով:
