Իլհամ Ալիևը պաշտոնանկ է արել Ադրբեջանի գյուլենականների ղեկավարին. Yeni Şafak
Haqqin.az պորտալի փոխանցմամբ՝ թուրքական հանրահայտ թերթերից Yeni Şafak-ն անդրադարձել է Ադրբեջանի նախագահ Իլհամ Ալիևի երեկվա հրամանով Ադրբեջանի նախագահի աշխատակազմի քաղաքական վերլուծության ու տեղեկատվական ապահովման բաժնի պետ Էլնուր Ասլանովի պաշտոնանկությանը:
Նյութը վերնագրված է հետևյալ կերպ. «Ալիևը պաշտոնանկ է արել Գյուլենի մերձակա մարդկանցից մեկին»: Հոդվածում ընդգծվում է, որ Էլնուր Ասլանովը հանդիսանում է ադրբեջանական նուրսիականների ղեկավարը: Թերթի տվյալներով՝ ադրբեջանական մամուլն արդեն որոշ ժամանակ է, ինչ գրում է նուրսիական սեկտային Էլնուր Ասլանովի պատկանելության մասին:
Նշվում է, որ Yeni Şafak թերթը պատկանում է Թուրքիայի վարչապետ Ռեջեփ Էրդողանի փեսային:
