Վաղը Վանում տեղի կունենա Իրանի, Թուրքիայի ու Ադրբեջանի արտգործնախարարների եռակողմ հանդիպումը
Ադրբեջանական APA լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովը մասնակցելու է Իրանի, Թուրքիայի ու Ադրբեջանի արտգործնախարարների եռակողմ հանդիպմանը:
Այդ հանդիպումը տեղի է ունենալու վաղը, Վանում: Այս մասին հայտարարել է Ադրբեջանի ԱԳՆ-ի մամուլի ծառայությունը: Վերջինիս հաղորդմամբ՝ այցի շրջանակներում Մամեդյարովն անցկացնելու է երկկողմ ու եռակողմ հանդիպումներ:
Իրանի, Թուրքիայի ու Ադրբեջանի արտգործնախարարների առաջին եռակողմ հանդիպումն անցկացվել է Ուրմիայում, իսկ երկրորդը՝ Նախիջևանում:
