Ադրբեջանի ռազմածովային ուժերի հրամանատարը պաշտոնանկ է արվել

Ադրբեջանական Turan լրատվական գործակալության փոխանցմամբ՝ Ադրբեջանի նախագահ Իլհամ Ալիևի հրամանով փոխծովակալ Շահին Սուլթանովն ազատվել է Ադրբեջանի ռազմածովային ուժերի հրամանատարի պաշտոնից:

Այս մասին գործակալությանը հայտնել է Ադրբեջանի պաշտպանության նախարարության մամուլի ծառայությունը: Վերջինիս հաղորդմամբ՝ Ադրբեջանի ռազմածովային ուժերը ժամանակավորապես գլխավորելու է ՌԾՈՒ-ի փոխհրամանատար Յունուս Մամեդովը:

Հիշեցնենք, որ Իլհամ Ալիևը  նախորդ տարվա սեպտեմբերին հաստատել է «Ադրբեջանի Հանրապետության ծովային անվտանգության ռազմավարությունը»: