Ղրիմի իշխանությունները մտադիր են սեփականաշնորհել Սևաստոպոլում գտնվող ուկրաինական ռազմանավերը
Ռուսական ИТАР-ТАСС լրատվական գործակալության փոխանցմամբ՝ Ղրիմի ինքնավար հանրապետության իշխանությունները մտադիր են ազգայնացնել Սևաստոպոլում կանգնած Ուկրաինայի ռազմածովային ուժերի ռազմանավերը, ինչպես նաև Черноморнефтегаз-ի նավերը:
Այս մասին երեկ հայտարարել է Ղրիմի վարչապետ Սերգեյ Աքսենովը. «Ուկրաինական նավատորմը Սևաստոպոլում ազգայնացվելու է ողջ ծավալով: Մենք չենք պատրաստվում որևէ տեղ թողնել նրանց նավերը: Մենք և Черноморнефтегаз-ի նավերը փակել ենք ելքը»:
Ղրիմի վարչապետը հավելել է, որ ազգայնացման ենթակա օբյեկտների ցանկը հստակեցվելու է և ճշգրտվելու է: Մասնավորապես, արդեն իսկ որոշվել է, որ արևային էլեկտրակայանները տրվելու են ինքնավար հանրապետությանը:
