Թուրքիան կոչ է անում չեղյալ հայտարարել Ղրիմի հանրաքվեն. Դավութօղլու
Թուրքական Anadolu լրատվական գործակալության փոխանցմամբ՝ Թուրքիայի արտգործնախարար Ահմեթ Դավութօղլուն հայտարարել է, որ Թուրքիան կոչ է անում չեղյալ հայտարարել Ղրիմի հանրաքվեն.
«Անկարան անում է ամեն հնարավոր բան, որպեսզի գտնվի Ղրիմում ստեղծված իրավիճակի քաղաքական կարգավորման ուղին: Ուկրաինայի ճգնաժամի քաղաքական կարգավորման ուղղությամբ ցայժմ գործադրված ջանքերն արդյունք չեն տվել»:
Դավութօղլուն ավելի վաղ հայտարարել էր, որ Ղրիմն Ուկրաինայի անքակտելի մասն է, և որ Ուկրաինայում առկա անկայուն քաղաքական իրավիճակը կարող է բացասաբար անդրադառնալ ողջ Սևծովյան տարածաշրջանի վրա:
Դավութօղլուն նաև ընդգծել է, որ Ղրիմի թաթարների անվտանգությունը մտնում է Անկարայի առաջնահերթությունների թվում, և որ Թուրքիան «լիովին իրավունք ունի» նրանց պաշտպանելու համար:
