Պուտինն անվտանգության խորհրդի անդամների հետ քննարկել է Սիրիայի ու Ուկրաինայի հարցերը
Ռուսական ИТАР-ТАСС լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը օպերատիվ խորհրդակցություն է անցկացրել Ռուսաստանի Անվտանգության խորհրդի մշտական անդամների հետ: Այս մասին հայտնել է պետության ղեկավարի մամլո քարտուղար Դմիտրի Պեսկովը:
Վերջինիս խոսքերով՝ հանդիպման մասնակիցները քննարկել են երկրի սոցիալ-տնտեսական կյանքին առնչվող ընթացիկ հարցեր: Նա հավելել է, որ անդրադարձ է կատարվել նաև միջազգային խնդիրներին՝ շեշտադրումն արվելով Սիրիական հակամարտության կարգավորման վրա.
«Խորհրդակցությունում քննարկված թեմաների թվում է եղել նաև Ուկրաինայում տիրող իրավիճակը: Բացի այդ, քննարկվել է առաջիկա օրերին Ռուսաստանի նախագահի բարձր մակարդակի միջազգային շփումների հարցը՝ կապված Սոչիում օլիմպիական խաղերի բացման հետ»:
