Իսրայելի պաշտպանության նախարարը ներողություն է խնդրել ԱՄՆ պետքարտուղարից
![](https://168.am/wp-content/uploads/2014/01/pic_111007aa707802dc4a2e6396b8e86b64.jpg)
France-Presse լրատվական գործակալության փոխանցմամբ՝ Իսրայելի պաշտպանության նախարար Մոշե Յաալոնը երեկ ներողություն է խնդրել ԱՄՆ պետքարտուղար Ջոն Քերիից՝ նրան հասցեագրած իր վիրավորական արտահայտությունների համար:
Յաալոնը հայտարարել է, որ չի ցանկացել իր խոսքերով վիրավորել Քերիին՝ ընդգծելով, որ բարձր է գնահատում ԱՄՆ պետդեպարտամենտի ջանքերը, որոնք ուղղված են պաղեստինա-իսրայելական բանակցությունների կայացմանը: Ջոն Քերիին քննադատելուց հետո Մոշե Յաալոնի մեկնաբանությունները դատապարտել էր ԱՄՆ պետդեպարտամենտը: