Կոռուպցիոն սկանդալի հետևանքով Թուրքիային պատճառվել է ավելի քան 100 միլիարդ դոլարի վնաս
Թուրքական Zaman թերթի փոխանցմամբ` Թուրքիայի փոխվարչապետ Բյուլենթ Արընչը լրագրողների հետ զրույցում հայտարարել է, որ կոռուպցիոն սկանդալի հետևանքով Թուրքիային պատճառված տնտեսական վնասի չափը կազմել է ավելի քան 100 միլիարդ դոլար.
«Ես կարող եմ ասել, որ նա, ով Թուրքիայում բորբոքել է վերջին իրադարձությունները, դրանով իսկ կառավարությանը գցել է ծուղակը և այդ պատճառով առկա են որոշակի կորուստներ: Ես խոսում եմ 100 միլիարդ դոլարը գերազանցող վնասի մասին: Մոտ ժամանակներս կառավարությունը պարզաբանում կտա այդ կապակցությամբ»:
