Գագիկ Ծառուկյան. Սա քաղաքականություն չէ, որ սուտը ճիշտ դարձնեն, չարածը՝ արած համարեն, ձախողումը հաջողություն համարեն (տեսանյութ)
Դեկտեմբերի 24-ին Հայաստանի ազգային օլիմպիական կոմիտեի նախագահ, ՖԿՀՊԻ Խորհրդի նախագահ Գագիկ Ծառուկյանն այցելել է Ֆիզիկական կուլտուրայի հայկական պետական ինստիտուտ, հանդիպեց ուսանողների ու պրոֆեսորադասախոսական անձնակազմի հետ: Այս մասին տեղեկանում ենք ԲՀԿ-ի պաշտոնական կայքէջից:
«Ֆիզկուլտ ինստիտուտը սպորտային ինստիտուտ լինելով հանդերձ, իրոք, մեր մոտեցումներն այլ կերպ են, որ ինքնըստինքյան սա քաղաքականություն չէ, որ սուտը ճիշտ դարձնեն, չարածը՝ արած համարեն, ձախողումը հաջողություն համարեն… Այստեղ շատ պարզ է, որ եթե պարապել է, մասնակցում է՝ հաղթանակ, պարգև, մեդալ, նա արժանի է վերաբերմունքի, պարգևատրման: Պարտություն՝ պարտություն, ուրիշ կերպ սպորտում չես կարող»,- ասել է Գագիկ Ծառուկյանը՝ տեղեկացնելով, որ 100 ուսանող դրամական պարգև կստանան:
