Վրաստանն ու Մոլդովան ԵՄ-ի հետ ասոցացման փաստաթղթեր են փոխանակել
ИТАР-ТАСС գործակալության փոխանցմամբ`Արեւելյան գործընկերության գագաթնաժողովի աշխատանքների առաջին օրվա արդյունքը եղել է ԵՄ-ի հետ ասոցացման փաստաթղթերի փոխանակումը` այսպես կոչված տեխնիկական նախաստորագրումը Վրաստանի եւ Մոլդովայի հետ, ինչպես նաեւ Ուկրաինայի եւ ԵՄ-ի միջեւ համատեղ ավիացիոն տարածքի մասին համաձայնագրի նախաստորագրումը:
Գագաթնաժողովի գլխավոր ինտրիգը, սակայն, շարունակում է մնալ Ուկրաինայի՝ ԵՄ հետ ասոցացման համաձայնագրի ստորագրումը: Չնայած նրան, որ Կիեւը նախապես հայտարարել է փաստաթղթի ստորագրման գործընթացի դադարեցման մասին, ԵՄ առաջնորդները չեն կորցնում Ուկրաինայի նախագահ Վիկտոր Յանուկովիչին համոզելու հույսը:
