Ոստիկանության քննիչը փրկել է 17-ամյա աղջկան
Երեկ ոստիկանության քննչական գլխավոր վարչության Սյունիքի մարզի Սիսյանի քննչական բաժանմունքի քննիչ, ոստիկանության լեյտենանտ Նարեկ Ստեփանյանը, Որոտան գետից կարողացել է դուրս բերել խեղդվող մի աղջկա: Ինչպես հայտնում է shamshyan.com-ը, Ն. Ստեփանյանը մեկնելիս է եղել Սիսյանի բժշկական կենտրոն, երբ նկատել է, որ Որոտան գետի մոտ մի քանի երիտասարդներ օգնություն են խնդրում: Ոստիկանության քննիչը մոտենալով նրանց, տեղեկացել է կատարվածի մասին և նետվել է գետը՝ այնտեղից դուրս բերելով գրեթե ծանր վիճակում գտնվող, Սյունիքի մարզի Մոսք գյուղի բնակիչ, 17-ամյա Սուսաննա Հակոբյանին, ով էլ քաղաքացիների օգնությամբ տեղափոխվել է Սիսիանի բժշկական կենտրոն:
Ամբողջությամբ կարող եք կարդալ սկզբնաղբյուր կայքում:
