«Դոմոդեդովո»-ում տասնյակ չվերթեր ուշացումներով են իրականացվում
Ռուսական РИА Новости գործակալությունը տեղեկացնում է, որ մոսկովյան «Դոմոդեդովո» օդանավակայանում տասնյակ չվերթեր մեկ ժամ ուշացումով են իրականացվում:
Այսօր ժամը 12.35-ին ուղեւորատր օդանավը վայրէջքի ժամանակ դուրս էր եկել թռիչքուղուց: Ժամը 12.30- 19.00-ը թռիչքներն ու վայրէջքներն իրականացվել են մի քանի ժամ ուշացումներով: Իսկ ժամը 19.00-ից հետո ուշացումները մոտ մեկ ժամ են տեւում:
Օդանավակայանի աշխատակիցները գործակալությանը հայտնել են, որ գործում է միայն մեկ թռիչքուղի:
