Աշխարհի տասը սկանդալային վեպերը, որոնք արժե կարդալ

«Weekend» նախագիծը կազմել է  աշխարհի տասը սկանդալային վեպերի ցանկը, որոնք անցել են տարբեր փորձությունների միջով` մինչեւ ընթերցողների սեղանին հայտնվելը:

1. Վլադիմիր Նաբոկովի «Լոլիտա»-ն գրական ասպարեզում բուռն կրքեր առաջացրեց. գրաքննադատների մի մասն այն համարում էր «լավագույն գիրք», մյուս մասը` «կեղտոտ գրքույկ»` դրանով նպաստելով գրքի տպաքանակի կայծակնային արագությամբ սպառմանը:

2.Գուստավ Ֆլոբերի «Տիկին Բովարի»-ն 1856թ-ին հրապարակվեց «La Revue de Paris» ամսագրի կողմից, իսկ 1857թ-ին հեղինակը, խմբագիրներն ու հրատարակիչները կանգնեցին դատարանի առջեւ` բարոյականությունը վիրավորելու համար: Ներկայումս այն կայուն տեղ է զբաղեցնում  բոլոր ժամանակների լավագույն վեպերի շարքում:

3. Ջեյմս Ջոյսի «Ուլիսես»-ը տպագրելու համար 1920թ-ին ամերիկյան «Little Review» ամսագրի դեմ քրեական գործ հարուցվեց` «պոռնոգրաֆիական» վեպից հատվածներ ներկայացնելու համար:  21 –րդ դարում այն համարվում է բարդ  եւ խորը գրական ստեղծագործություններից մեկը:

4. Օլդոս Հաքսլիի «Հրաշալի նոր աշխարհ» (Brave New World)  հակաուտոպիական վեպը 1932 թ-ին շատերի սրտով չէր, իսկ հիմա  Օրվելի եւ Բրեդբերիի հետ միասին հեղինակը համարվում է  հակաուտոպիական ժանրի դասական:

5.Վիլյամ Գոլդինգի «Ճանճերի տիրակալ»-ը (The Lord of the Flies)  1955-ին էր արդեն դարձել բեսթսելեր Մեծ Բրիտանիայում: Վեպի գործողությունները տեղի էին ունենում միջուկային պատերազմի ժամանակաշրջանում, եւ այն քննադատություն էր պարունակում` ուղղված ժամանակակից հանրությունը:

6.Բորիս Պաստեռնակի «Դոկտոր Ժիվագո»-ի դեմ ԽՍՀՄ-ում հատկապես 1958թ-ին լայն արշավ էր ծավալվել,  իսկ տասնամյակներ անց` «վերակառուցման» տարիներին  ընթերցողները հաճույքով էին ընթերցում այն:

7.Հարփեր Լիի «Սպանել կատակաբանին» ինքնակենսագրական վեպն անմիջապես էլ բեսթսելեր դարձավ եւ տպագրվելուց մեկ տարի անց` 1961-ին, հեղիանկին Փուլիտցերյան  մրցանակ բերեց: Իր  հայրենակցի` Մարգարետ Միտչելի հետ  նա արծարծում էր  ռասայական խտրականության թեման: 2013թ-ին գիրքը ներառվեց  Ամերիկայի կրթական հաստատությունների մեծ մասի դպրոցական ծրագրում:

8.Ջերոմ Սելինջերի «Տարեկանի արտում, անդունդի եզրին» (The Catcher in the Rye) վեպը համարվում է  ամերկյան դպրոցներում ամենաարգելված գիրքը 1961 – 1982թթ-ին` երիտասարդությանը խռովության կոչերի համար:

9.Էնթոնի Բերջեսի «Լարովի նարինջ»-ը (A Clockwork Orange)` Ալեքս Լարջի եւ նրա բանդայի պատմությունը, քննադատություն էր ենթարկվել բռնության քարոզչության համար:

10.Սալման Ռուշդիի «Ստանայական ոտանավորներ»-ում (The Satanic Verses) հեղինակն անդրադարձել է Մուհամեդ Մարգարեին` դրանով արժանանալով իսլամական առաջնորդների քննադատությանը: