Եվրահանձնաժողովը կասկածի տակ է դրել Թուրքիայի հավատարմությունը ժողովրդավարական արժեքներին
Թուրքիան մնում է թեկնածու երկիր և ԵՄ-ի հիմնական գործընկեր։ 2024 թվականի ապրիլի Եվրոպական խորհրդի եզրակացություններին համապատասխան՝ ԵՄ-ն Թուրքիայի հետ հարաբերությունները զարգացնում է փուլային, համաչափ և հետադարձելի ձևով՝ առաջնորդվելով ընդհանուր առաջնահերթություններով. ասված է Եվրոպական հանձնաժողովի հայտարարության մեջ։
«Կիպրոսի կարգավորման շուրջ բանակցությունների վերսկսումը համագործակցության հիմնական տարր է։ Միևնույն ժամանակ, ընդդիմադիր գործիչների և կուսակցությունների դեմ դատական գործողությունների աճող թիվը, ինչպես նաև բազմաթիվ այլ ձերբակալությունները, լուրջ մտահոգություններ են առաջացնում Թուրքիայի հավատարմության վերաբերյալ ժողովրդավարական արժեքներին»,- ընդգծվում է Եվրոպական հանձնաժողովի հայտարարության մեջ։
Այն պարզաբանում է, որ չնայած օրենքի գերակայության շուրջ երկխոսությունը մնում է ԵՄ-Թուրքիա հարաբերությունների կենտրոնական տարր, «ժողովրդավարական չափանիշների, դատական անկախության և հիմնարար իրավունքների վատթարացումը դեռևս պետք է կարգավորվի»։ Թուրքիայի ԵՄ անդամակցության բանակցությունները 2018 թվականից ի վեր կասեցված են»։
