Ճապոնիայի ՊՆ-ը պահանջելու է կտրուկ ավելացնել իր բյուջեն
Ռուսական ИТАР-ТАСС լրատվական գործակալության փոխանցմամբ՝ Ճապոնիայի պաշտպանության նախարարությունը հասնելու է նրան, որ հաջորդ տարվա բյուջեի նախագծի որոշման ժամանակ ֆինանսավորումը հասցվի առնվազն 180 միլիարդ իենի (1.8 միլիարդ դոլար):
Պաշտպանական գերատեսչությունում նման քայլը բացատրում են ներկրվող ռազմական սարքավորման գնաճով, ինչը պայմանավորված է իենի փոխարժեքի թուլացմամբ: Միևնույն ժամանակ Ճապոնիայի ՊՆ-ն անհրաժեշտ է համարում ռազմական ծախսերի մեծացումը՝ կապված Խաղաղ օվկիանոսում Չինաստանի ու Ռուսաստանի ակտիվության հետ:
Ռազմական ծախսերի ավելացումը շաղկապվում է նաև բալիստիկ հրթիռների մշակումը շարունակող ԿԺԴՀ-ի գործողություններին անհրաժեշտ արձագանքելու գործոնով: Նշվում է, որ հուլիսին Ճապոնիայի կառավարությունը որոշել է ստեղծել սեփական ծովային հետևակ՝ հարավային հեռավոր կղզիների պաշտպանության համար:
Ճապոնիայի ԱԳՆ-ը հայտարարել է, որ հերթական անգամ կտրուկ բողոք է հայտնել Չինաստանին՝ կապված վերջինիս ռազմանավերի կողմից Արևելա-չինական ծովում գտնվող Սենկակու կղզիների շուրջ ընկած գոտի մուտք գործելու հետ:
