Ինչից է լավ զգում Տիգրան Սարգսյանը
Նարեկ Արամի Թովմասյան՝ ընդունվել է աշխարհի լավագույն համալսարաններից մեկը՝ Ստենֆորդի համալսարանը, ավարտել է Գեղարքունիքի մարզի Մեծ Մասրիկ համայնքի դպրոցը: Այս մասին այսօր կառավարության նիստի վերջում հայտարարեց վարչապետ Տիգրան Սարգսյանը՝ շեշտելով, որ ինքն այդ մտքից իրեն լավ է զգում:
Ըստ վարչապետի՝ ընդհանրապես դպրոցների տնօրենները մրցակցում են, թե իրենց սաների քանի տոկոսն է բուհ ընդունվել: Տ. Սարգսյանը կրթության և գիտության նախարար Արմեն Աշոտյանին հանձնարարեց՝ նայել, թե աշխարհի լավագույն բուհեր ընդունված քաղաքացիները որ դպրոցներն են ավարտել և խրախուսել ուսուցիչներին:
«Ես ինձ շատ լավ եմ զգում, որ Գեղարքունիքի մարզի փոքրիկ շրջանավարտը ընդունվոմ է աշխարհի լավագույն համալարանը»,- հավելեց Տ.Սարգսյանը:
