Հասան Ռոուհանին շարունակում է թափ հավաքել Իրանի նախագահական ընտրություններում
Ադրբեջանական Trend լրատվական գործակալության փոխանցմամբ՝ Իրանի ՆԳՆ-ը թարմացրել է երեկ անցկացված նախագահական ընտրությունների քվեարկության արդյունքները:
Դրանց համաձայն՝ ռեֆորմիստական թևի ներկայացուցիչ Հասան Ռոուհանին շարունակում է թափ հավաքել: Տեղի ժամանակով ժամը 10.30-ի դրությամբ՝ արդեն իսկ հաշվարկվել էր 58.764 ընտրատեղամասից 14.603-ի քվեները՝ 8.319.768 քվե:
Հասան Ռուհանին ստացել է 4.125.032 քվե, Բաղեր Ղալիբաֆը՝ 1.341.947 քվե, Սայիդ Ջալիլին՝ 1.056.327 քվե, Մոհսեն Ռեզային՝ 902.121 քվե, Ալի Աքբար Վելայաթի՝ 521.097 քվե, Մոհամմադ Խարազին՝ 104.214 քվե:
Եթե Հասան Ռոուհանին (կամ մեկ այլ թեկնածու) ստանա քվեների ավելի քան կեսը, ապա նախագահական աթոռի համար պայքարը կավարտվի արդեն իսկ առաջին փուլում:
