Միայն մեկ հոգի է արձագանքել Սերգո Կարապետյանի նամակին. մամուլ
«Հայկական Ժամանակ» օրաթերթը գրում է. «Գյուղատնտեսության նախարար Սերգո Կարապետյանի՝ գործարար սեկտորին ուղղված հայտնի նամակից, որով նա խնդրել էր գումար փոխանցել կարկտահարությունից տուժած գյուղացիների համար, անցել է երեք օր. փոխանցվել է 1 մլն դրամ:
Այս մասին երեկ մեր թղթակցին հայտնել է գյուղնախարարի տեղակալ Գառնիկ Պետրոսյանը: Թե ով է այդ միակ գործարարը, որ այնուամենայնիվ, արձագանքել է նամակին, Պետրոսյանը հրաժարվել է բացահայտել: Նա միայն հույս է հայտնել, որ իրավիճակն այսպես չի մնա և գործարարներն ի վերջո կարձագանքեն խնդրանքին»:
