Ապրիլի 25-ին ժամանակավորապես դադարեցվելու է ռուսական գազի մատակարարումը Հայաստան
![](https://168.am/wp-content/uploads/2013/04/gas_line_300512.jpg)
Грузия Online-ի փոխանցմամբ՝ ապրիլի 25-ին ժամանակավորապես դադարեցվելու է Վրաստանի տարածքով ռուսական գազի տարանցումը Հայաստան: Այս մասին հայտնել է Վրաստանում ռուսական գազի տարանցման օպերատորը:
Գազի տարանցումը դադարեցվելու է առավոտյան ժամը 08.00-ին և տևելու է մինչև երեկոյան ժամը 18.00-ը: Գազի տարանցման դադարեցումը պայմանավորված է Գարդաբանիի շրջանում (Արևելյան Վրաստան) խողովակաշարի վերանորոգման անհրաժեշտությամբ:
Վերանորոգման աշխատանքների ավարտից հետո կվերականգնվի գազի մատակարարումը: Հայկական կողմն արդեն իսկ իրազեկված է վրացական ընկերության կայացրած որոշման մասին: