Ոստիկանի խրտվիլակ՝ ՀՀ գլխավոր դատախազության մոտ (լուսանկարներ)
«Այս ոստիկանի խրտվիլակը բերել ենք, քանի որ ապրիլի 9-ին Բաղրամյան պողոտայում այսպիսի խրտվիլակներից մեկն էլ հարվածել է «Ժառանգություն» կուսակցության փոխնախագահ, ավագանու թեկնածու Արմեն Մարտիրոսյանին»,- «Ա1+»-ի փոխանցմամբ՝ այսօր ՀՀ գլխավոր դատախազության մոտ կազմակերպված բողոքի ակցիայի ժամանակ նշել են մասնակիցները։
«Ժառանգություն» կուսակցության անդամ, ավագանու թեկնածու Դավիթ Սանասարյանն «Ա1+»-ի հետ զրույցում ասել է, թե որքան էլ ոստիկանները գեղեցիկ համազգեստ կրեն, միևնույն է՝ նրանց մեջ լինում են խրտվիլակներ, որոնք խայտառակում են ողջ ոստիկանական համակարգը։
Բողոքի ակցիան ընթանում էր «Ոչ, արնախում ոստիկաններին», «Ոչ, մլիցեքին», «Ամոթ, ամոթ», «Ոչ մլիցա, այո ոստիկան» վանկարկումների ներքո։
Հիշեցնենք, որ այսօր առացոտյան «Ժառանգության» փոխնախագահ Արմեն Մարտիրոսյանը ապրիլի 9-ին տեղի ունեցած հայտնի միջադեպի առնչությամբ հրավիրվել է ՀՔԾ:
