Ռամին Մեհմանպարաստը ժամանել է Երևան
Իրանական Fars լրատվական գործակալության փոխանցմամբ՝ Իրանի ԱԳՆ-ի մամլո քարտուղար Ռամին Մեհմանպարաստն իր բելառուսյան այցից հետո ժամանել է Հայաստանի մայրաքաղաք Երևան, ուր պլանավորել է անցկացնել մի շարք հանդիպումներ:
Մեհմանպարաստը, մասնավորապես, հանդիպումներ է ունենալու Հայաստանի արտգործնախարար Էդվարդ Նալբանդյանի ու նրա տեղակալ Շավարշ Քոչարյանի, Հայաստանի ԱԳՆ-ի մամլո քարտուղար Տիգրան Բալայանի, ինչպես նաև Սփյուռքի նախարար Հրանուշ Հակոբյանի հետ:
Մեհմանպարաստը պլանավորել է այցելել նաև Հայաստանի Գիտությունների ազգային ակադեմիայի Արևելագիտության ինստիտուտ:
