Իրանը բողոքի նոտա է հղել Ադրբեջանին. մամուլ
Ադրբեջանական Trend լրատվական գործակալության փոխանցմամբ՝ Իրանը բողոքի նոտա է հղել Ադրբեջանին: Իրանում Ադրբեջանի դեսպան Ջավանշիր Ախունդովը երեկ կանչվել է Իրանի ԱԳՆ, ուր և նրան հանձնվել է բողոքի նոտան:
Նոտայի հանձնումը կապված է եղել մարտի 30-ին Բաքվում անցկացված «Ժամանակակից Հարավային Ադրբեջանի վաղվա օրը» անվանմամբ կոնֆերանսի անցկացման հետ: Իրանի փոխարտգործնախարար Աբբաս Արաղչիի խոսքերով՝ այդ կոնֆերանսում արվել են Իրանի տարածքային ամբողջականության դեմ ուղղված հայտարարություններ.
«Տվյալ միջոցառման ժամանակ նպատակամղված կերպ սպառնալից բնույթի կեղծ տեղեկատվություն է տարածվել Իրանի դեմ: Իսկ դա ծառայում է միայն սիոնիստների շահերին: Նման կոնֆերանսի անցկացումը ոչ մի կերպ չի կարելի արդարացնել»:
