ԵԱԶԲ պատվիրակությունը Երևանում է
Եվրասիական զարգացման բանկի (ԵԱԶԲ) պատվիրակությունը` վարչության փոխնախագահ Սերգեյ Շատալովի գլխավորությամբ անցյալ շաբաթ այցելել է Երևան:
Ինչպես այսօր Մեդիամաքս-ին հայտնել են ԵԱԶԲ մամուլի ծառայությունում, այցի ընթացքում տեղի են ունեցել հանդիպումներ ՀՀ ֆինանսների ու տրանսպորտի և կապի նախարարների, էկոնոմիկայի, գյուղատնտեսության նախարարությունների, Զարգացման Ասիական և Համաշխարհային բանկերի ներկայացուցիչների հետ:
Հանդիպումների ընթացքում քննարկվել են Հայաստանի կառավարության և ԵվրԱզԷս Հակաճգնաժամային հիմնադրամի միջև ներդրումային համագործակցության հեռանակարները և հնարավոր ուղղությունները, այդ թվում՝ ներդրումային նախագծերի համատեղ իրականացումն այլ միջազգային ֆինանսական կառույցների հետ:
