Արևային բռնկումը կարող է գեոմագնիսական ցնցումներ առաջ բերել Երկրագնդի վրա
Արեւի վրա պլազմայի հզոր արտանետումը, որը տեղ է ունեցել հուլիսի 12-ին, կարող է գեոմագնիսական ցնցումներ առաջ բերել Երկրագնդի վրա, հուլիսի 14-ին: Այս մասին զգուշացնում են ՆԱՍԱ-ի տիեզերական եղանակի կանխատեսման լաբորատորիայի մասնագետները (Space Weather Lab), հաղորդում է «ՌԻԱ նովոստին»:
Արեւի վրա այս բռնկումը ռենտգենյան ճառագայթման առավելագույն մակարդակի է` X դասի:
Մասնագետները համարում են, որ մագնիսական փոթորիկը կլինի չափավոր ուժգնության: Այդուհանդերձ, այն կարող է ազդել մարդկանց հատկապես սրտի եւ ճնշման հետ խնդիրներ ունեցողների ինքնազգացողության վրա:
