Հայ-ադրբեջանական շփման գծում վիրավորվել են թշնամու զինծառայողներ
Ըստ ադրբեջանական APA լրատվական գործակալության՝ հայ-ադրբեջանական շփման գծում տեղի է ունեցել փոխհրաձգություն: Միջադեպը տեղի է ունեցել Աղստաֆայի շրջանում: Բախման հետևանքով վիրավորվել են ադրբեջանական բանակի երկու զինծառայողներ՝ Ջալալ Ալիևն ու Ուրֆան Վելիևը:
Նրանք տեղափոխվել են հոսպիտալ, նրանց առողջական վիճակը գնահատվում է միջին ծանրության: Ադրբեջանի պաշտպանության նախարարության մամլո ծառայության ղեկավար, գնդապետ Էլդար Սաբիրօղլուն հաստատել է զինծառայողների վիրավորվելը:
