Իրանցի քրիստոնյա զինվորն անցել է Հայաստան

Ռուսական Интерфакс լրատվական գործակալության փոխանցմամբ՝ սահմանապահները հայ-իրանական սահմանին ձերբակալել են Իրանցի զինծառայողի, ով փորձել է ապօրինաբար հատել Արաքս գետով անցնող սահմանը:

Այս մասին հայտնել է Ռուսաստանի Անվտանգության դաշնային ծառայության մամլո ծառայությունը: Վերջինիս հաղորդմամբ՝ իրանցի զինծառայողն իր գործողությունները բացատրել է ծառայակիցների հետ տարաձայնություններով, որոնք առաջացել են կրոնական հողի վրա:

Ձերբակալվածը հայտարարել է, որ քրիստոնյա է: Սահմանախախտին հանձնել են Հայաստանի Ազգային անվտանգության ծառայության աշխատակիցներին՝ իրավախախտման բոլոր հանգամանքները պարզելու համար: