Միխեիլ Սաակաշվիլին ապրիլի 27-ին ժամանելու է Բաքու

Ադրբեջանական APA լրատվական գործակալության փոխանցմամբ՝ Վրաստանի նախկին նախագահ Միխեիլ Սաակաշվիլին ապրիլի 27-ին ժամանելու է Բաքու՝ մասնակցելու համար Հարավ-կովկասյան երկրորդ ֆորումի աշխատանքներին:

Այս մասին հայտնել է Ադրբեջանի՝ Սփյուռքի հարցերով պետական հանձնաժողովի մամուլի ծառայությունը: Ընդգծվում է, որ դա կլինի Սաակաշվիլիի նախագահական լիազորությունների ժամկետի սպառվելուց հետո նրա առաջին այցն Ադրբեջան: 2013 թվականի մայիսին Սաակաշվիլին Բաքվում մասնակցել է Հարավ-կովկասյան առաջին ֆորումին:

Հարավ-կովկասյան երկրորդ ֆորումը Բաքվում անցկացվելու է ապրիլի 27-30-ին: