Ռուսական նավերը Կասպից ծովում խոչընդոտել են ադրբեջանական նավերի կողմից բեռնափոխադրումներ կատարելուն
Haqqin.az պորտալի փոխանցմամբ՝ ռուսական լցանավային նավատորմը բեռնափոխադրումների իրականացման մենաշնորհ է հաստատել Կասպից ծովում: Արդեն մեկ ամսից ավելի է, ինչ թուրքմենական Թուրքմենբաշի նավահանգստում կանգնած են և ապրանքների բեռնմանն են սպասում ադրբեջանական 4 լցանավ:
Թուրքմենական կողմը փաստացիորեն հրաժարվել է ավելի վաղ ստորագրած բոլոր պայմանագրերն իրագործելուց: Թուրմեններն ընդունում են, որ ռուսական կողմը պայման է առաջ քաշել, որ Կասպից ծովում բեռնափոխադրմամբ պետք է ամբողջովին զբաղվեն իր նավերը:
Այսօր ադրբեջանական լցանավերից մեկը փորձել է մուտք գործել նավահանգիստ՝ բեռնման համար, սակայն ռուսական լցանավերը փաստացիորեն արգելափակել են նրա ճանապարհը:
