Հայկական քաղաքականության ամենամեծ հակասություններից մեկը ներքին ու արտաքին կյանքում գոյություն ունեցող հակադրությունն է: Գրեթե բոլոր կենսական հարցերում իշխանությունը երկրի ներսում հանդես է գալիս մի սկզբունքով, դրա սահմաններից դուրս՝ միանգամայն այլ, որպես կանոն, տրամագծորեն հակառակ մոտեցմամբ: Օրինակները՝ մեկը մյուսից ցցուն:
Հայաստանի կողմից «Էներգետիկայի մասին» օրենքում փոփոխությունների կատարումը պարզ օրինակն է այն բանի, թե ինչպես կարող է քաղաքական շարժառիթներից դրդված ազգայնացումը ներկայացվել որպես սպառողների պաշտպանություն։
Նիկոլ Փաշինյանը ցանկանում է «ազգայնացնել» Հայաստանի Էլեկտրական ցանցերը՝ ՀԷՑ-ը։ Ոչ միայն ուղղակի ցանկանում է, այլ արդեն իսկ նրա սեփական օգտագործման որևէ պատգամավոր կամ պատգամավորների խումբ մշակել է համապատասխան օրենսդրական նախաձեռնություն, որի մասին ավետվեց երեկ։
