Իրանի ԱԳՆ–ն ԱՄՆ-ի հետ հուշագրի վիճակը ճգնաժամային է որակել
ԱՄՆ-ի հետ ռազմական գործողությունների դադարեցման մասին հուշագիրը ճգնաժամի մեջ է։ Այս մասին ճեպազրույցի ժամանակ հայտարարել է Իրանի ԱԳՆ պաշտոնական ներկայացուցիչ Իսմայիլ Բաղային։
«Կասկած չկա, որ այն (հուշագիրը) ճգնաժամի մեջ է», – ասել է նա ճեպազրույցի ժամանակ։
Բաղայիի խոսքով` քանի դեռ ԱՄՆ-ն շարունակելու է խախտել հուշագիրը, Իրանը նույնպես չի կատարի իր պարտավորությունները։ Այս դեպքում, նշել է նա, գործում է պարտավորությունների կատարման սկզբունքը՝ մյուս կողմից իր պարտավորությունների կատարմանն ի պատասխան։
Հիշեցնենք` ԱՄՆ զինվորականները հուլիսի 7-ի լույս 8-ի գիշերը հզոր հարվածների շարք սկսեցին Իրանի ուղղությամբ։
ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։
