Հարցին՝ ժողովրդավարությունն ու մարդկային արժեքները կարևորող Վաշինգտոնը ինչո՞ւ Ալիևինպատժամիջոցների չի ենթարկում Հայաստանի, Արցախի խաղաղ բնակիչներին ռազմական հանցագործությունների ճանապարհով կյանքից զրկելու համար և արդյոք հնարավո՞ր է, որ Ադրբեջանը ևս պատժամիջոցների ենթարկվի, Փելոսին ասաց, որ այս վերջին զարգացումները դրանք հենց այս վերջին շրջանի զարգացումներն են, իսկ Լեռնային Ղարաբաղի ժողովրդի նկատմամբ վերաբերմունքի, պատմական հուշակոթողների նկատմամբ վերաբերմունքի հարցերը վաղուց ի վեր ԱՄՆ ուշադրության կենտրոնում են։
Քիչ առաջ ՀՀ ԱԺ-ումԱՄՆ Ներկայացուցիչների պալատի խոսնակ Նենսի Փելոսին Ալեն Սիմոնյանի հետ ասուլիսի ընթացքում,ի պատասխան հնչեցված հարցի՝ խոսեց ռազմական ոլորտում հայ-ամերիկյան համագործակցությունից և ԱՄՆ-իկողմից Հայաստանին հնարավոր ռազմական աջակցության մասին:
«Հայաստանի ժողովրդավարությունը, Հայաստանի ինքնիշխանությունն ու ՀՀ տարածքային ամբողջականությունն ԱՄՆ-ի համար կարևոր հարցեր են»,-այս մասին քիչ առաջ ՀՀ ԱԺ-ում ասաց ԱՄՆ ներկայացուցիչների պալատի խոսնակ Նենսի Փելոսին։
«ԱՄՆ-ից սպասում ենք գործուն աջակցություն բոլոր հնարավոր ուղղություններով»,-այս մասին ԱՄՆ Ներկայացուցիչների պալատի խոսնակ Նենսի Փելոսիի հետ մամուլի ասուլիսի ընթացքում ասաց ՀՀ ԱԺ նախագահ Ալեն Սիմոնյանը, պատասխանելով հարցին, թե ի՞նչ ակնկալիքներ ունի ՀՀ-ն ԱՄՆ-ից։
«Իրավիճակին ԱՄՆ արձագանքն էր՝ դադարեցնել բռնությունները»,-այս մասին քիչ առաջ ՀՀ ԱԺ-ում հայտարարեց ԱՄՆ Ներկայացուցիչների պալատի խոսնակ Նենսի Փելոսին՝ Ալեն Սիմոնյանի հետ ասուլիսի ընթացքում։
Նշենք, որ Նենսի Փելոսիի պաշտոնական յութուբյան ալիքում այս ասուլիսի հեռարձակման անոնսում նշված էր․ «Միացեք խոսնակ Ալեն Սիմոնյանի, Ֆրենկ Փալոնի, Ջեքի Սփիերի, Աննա Էշոյի և իմ՝ Հայաստանում հայ-ամերիկյան հարաբերությունների և Ադրբեջանի կողմից անօրինական և մահացու հարձակման հետ կապված Ամերիկայի կողմից Հայաստանին աջակցության վերաբերյալ մեր երկկողմ հանդիպմանը հաջորդած մամուլի ասուլիսին»։
