Միջազգային

Թուրքիայի արտաքին գործերի նախարար Հաքան Ֆիդանը X սոցիալական ցանցում խիստ քննադատության է ենթարկել ընդդիմադիր Ժողովրդահանրապետական ​​կուսակցության առաջնորդ Օզգյուր Օզելին՝ պահանջելով, որ նա «իմանա իր տեղը»։

Թագավորական նավատորմը հայտնաբերել է մի քանի սարք, որոնք տեղադրված են եղել ծովի հատակին, իսկ մի քանիսը ափ են դուրս եկել, հաղորդում է թերթը։ Զինվորականները և հետախուզության ղեկավարները կարծում են, որ դրանք տեղադրվել են միջուկային հրթիռներ կրող բրիտանական չորս սուզանավերի վերաբերյալ տեղեկություններ հավաքելու համար:

Հութիները Եմենի վերահսկողության համար պայքարում են միջազգայնորեն ճանաչված կառավարության դեմ, որը վերահսկում է հարավային մասը և հիմնական աջակցությունը ստանում է ԱՄԷ-ից: Անպատասխան հարցն այն է, թե արդյոք այս կառավարությանը հավատարիմ ուժերը կկարողանա՞ն դիմակայել հութիներին, գրում է CNN կայքը։

Իսրայելի բանակի շտաբի պետ, գեներալ-լեյտենանտ Էյալ Զամիրն այսօր ստուգումներ է անցկացրել Լիբանանի հետ սահմանին, հայտնում է Times of Israel-ը։

ԱՄՆ առևտրի նախարար Հովարդ Լաթնիկը CBS News-ին տված հարցազրույցում ասել է, որ նախագահ Դոնալդ Թրամփի սահմանած մաքսատուրքերը կսկսեն գործել «օրերի և շաբաթների» ընթացքում։

Վրաստանի Մցխեթա քաղաքում գտնվող Սվետիցխովելիի տաճարում, որտեղ մարտի 22-ին հորդառատ անձրևից հետո տանիքից ջուր էր լցվել, Մշակութային ժառանգության գործակալությունը հետազոտական ​​և վերականգնողական աշխատանքների համար փայտամած է կառուցելու։

Իսրայելական ուժերն ընդլայնել են օդային և ցամաքային հարձակումները Գազայի հատվածի վրա։ 24 ժամվա ընթացքում զոհվել է առնվազն 46 պաղեստինցի։ Այս մասին հաղորդում է «Ալ Ջազիրա»-ն։

Ուկրաինայի արևմուտքում ռուսական ավիահարվածներից հետո Լեհաստանը ռազմական ինքնաթիռ է ուղարկել՝ պաշտպանելու իր օդային տարածքը արևելյան սահմանի մոտ: Այս մասին այսօր հայտնել է Լեհաստանի զինված ուժերի օպերատիվ հրամանատարությունը։

Պատերազմի ժամանակ Պուտինի պատերազմը դադարեցնելու ծրագիրը մերժելու թեման չի’ մոռացվել ու չի’ մոռացվելու։

Կիրակի օրը լիբանանցի պաշտոնյան հայտնել է, որ Մերձավոր Արևելքի հարցերով ԱՄՆ հատուկ ներկայացուցչի տեղակալ Մորգան Օրթագուսը մեկ օր առաջ Բեյրութում իր հանդիպումների ժամանակ քննարկել է «Հեզբոլլահի» զինաթափման հարցը՝ առանց վերջնաժամկետ նշանակելու, հաղորդում է AFP-ն:

Ֆրանսիայի նախագահ Էմանուել Մակրոնը պետք է հրաժարական տա, քանի որ երկիրը ներքաշում է միջուկային տերության դեմ պատերազմի մեջ,- X սոցիալական ցանցում գրել է «Ոտքի ել, Ֆրանսիա» կուսակցության առաջնորդ և Ֆրանսիայի նախագահի նախկին թեկնածու Նիկոլա Դյուպոն-Էնյանը, ով օրեր առաջ կրկին կոչ էր արել հեռացնել Մակրոնին պաշտոնից։

«Գները կաճեն ոչ միայն ԱՄՆ-ում, այլև աշխարհում ընդհանրապես, որովհետև երկրներն այս կամ այն կերպ արձագանքելու են, կազդի նաև ԱՄՆ-ի վճարային հաշվեկշռի վրա։ Ի վերջո, այն դեֆիցիտը, որ կա, ու պայմանավորված է ուժեղ դոլարով, կարող է հետահայաց ազդել նաև փոխարժեքի վրա։ Դոլարը կարող է թուլանալ, ինչն էլ կարող է բանկերից բերել ակտիվների, կանխիկի փախուստի։ Ու այն ընկերությունները, որոնք բորսաներում իրենց բաժնետոմսերը գնանշում են, նրանց բաժնետոմսերի կուրսը կընկնի միանշանակ։ Այսինքն, սա մասսայաբար կարող է բերել բաժնետոմսերի և կորպորատիվ ակցիաների վաճառքի։ Ու այս մթնոլորտն էլ կարող է ազդել ընդհանուր ներդրումային միջավայրի վրա։

Չինաստանի ժողովրդական ազատագրական բանակի զորավարժությունները Թայվանի մերձակայքում անհանգստություն են առաջացնում G7-ի երկրների շրջանում։ Այս մասին ասված է G7-ի արտաքին գործերի գերատեսչությունների ղեկավարների համատեղ հայտարարության մեջ։

Եվրամիության երկրներն առաջիկա օրերին կփորձեն միասնական ճակատով հանդես գալ ԱՄՆ նախագահ Դոնալդ Թրամփի սահմանած մաքսատուրքերի դեմ և, ամենայն հավանականությամբ, կհաստատեն նպատակաուղղված հակաքայլերի առաջին փաթեթը մինչև 28 միլիարդ դոլարի ԱՄՆ ներմուծման դեմ՝ ատամնաթելից մինչև ադամանդ, գրում է Reuters-ը։

«Այսօր Իրանը կայուն է, ուժեղ: Նա Հայաստանի համար անվտանգության երաշխավոր է: Եկե՛ք իրերը կոչենք իրենց անուններով: Եվ եթե չլիներ Իրանի դիրքորոշումը, Զանգեզուրի միջանցքն արդեն սարքած կլինեին»,- 168TV-ի «Թրիգեր» հաղորդաշարի եթերում ասաց իրանցի քաղաքական մեկնաբան և հեռուստառադիոհաղորդավար Աբբաս Ջուման:

Երկար տարիների ընթացքում առաջին անգամ Գերմանիան կորցրել է առաջատարի դերը ԵՄ երկրների ցանկում, որտեղ ապաստան հայցողները փորձում են բնակության իրավունք ստանալ։

Ավելի քան 50 երկիր դիմել է Սպիտակ տուն առևտրային բանակցություններ սկսելու համար, կիրակի օրը ABC News-ի եթերում ասել է ԱՄՆ Ազգային տնտեսական խորհրդի ղեկավար Քևին Հասեթը։

Ռուսաստանի և ԱՄՆ-ի նոր շփումներին կարելի է սպասել արդեն հաջորդ շաբաթ։ Այս մասին ռուսական Առաջին ալիքին տված հարցազրույցում հայտարարել է ՌԴ նախագահի արտասահմանյան երկրների հետ ներդրումային-տնտեսական համագործակցության հարցերով հատուկ ներկայացուցիչ և Ռուսաստանի Ուղիղ ներդրումների հիմնադրամի ղեկավար Կիրիլ Դմիտրիևը։

Իրանի Զինված ուժերի գլխավոր շտաբի պետ, գեներալ-մայոր Մոհամադ Բաղերին հայտարարել է, որ երկիրը լիովին պատրաստ է ողջ ուժով պատասխանել ցանկացած սպառնալիքի, գրում է Mehr-ը։

Առաջին անգամ չէ, որ խոսվում է թուրքմենական գազը Հայաստան բերելու մասին։ Այդ առնչությամբ բանակցությունները սկսել են նախորդ իշխանությունները՝ դեռևս 2017թ. նախագահ Սերժ Սարգսյանի Թուրքմենստան այցելության ժամանակ։ Դրան հաջորդած շրջանում մի պահ նույնիսկ գործարքի կնքումը շատ մոտ էր, բայց իշխանափոխությունից հետո գործընթացը սառեց, չնայած «հեղափոխականները» պարբերաբար հայտարարում էին, թե պատրաստվում են Թուրքմենստանից գազ ներկրել Հայաստան։

Օզգյուր Օզելը վերընտրվել Է Թուրքիայի գլխավոր ընդդիմադիր ուժի՝ Ժողովրդա-հանրապետականկուսակցության (ԺՀԿ) առաջնորդ:

Իրանում ՀՀ դեսպան Գրիգոր Հակոբյանը ներկա է եղել Նոուրուզին նվիրված պաշտոնական միջոցառմանը, որին մասնակցել են ԻԻՀ կառավարության ներկայացուցիչներ, Թեհրանում հավատարմագրված դեսպաններ, միջազգային կառույցների ղեկավարներ: Այդ մասին հայտնում են Իրանում ՀՀ դեսպանությունից։

Իսրայելի ռազմաօդային ուժերը նոր հարձակում են իրականացրել լիբանանյան տարածքի վրա՝ թիրախավորելով «Հըզբոլլահ»-ին։ Այս մասին հայտնել է Իսրայել բանակի մամուլի ծառայությունը։

Մեծ Բրիտանիան ԱՄՆ-ի հետ միասին հաջողությամբ փորձարկել է գերձայնային հրթիռի շարժիչը: Այս մասին հայտարարել է Մեծ Բրիտանիայի պաշտպանության նախարարությունը։

Մենք բոլորս տարբեր ձևով ենք լսում և ընկալում նույն բառերը։ Ուստի յուրաքանչյուրը պետք է ինքնուրույն հասնի իր ընկալման կետին՝ անցնելով տանջալի, երբեմն շատ ցավոտ, բարդ «հղիության» ճանապարհով և պատրաստ լինի ամենադժվար, երբեմն կյանքի համար վտանգավոր ծննդին։

Ռուսական զորքերի «Հյուսիս» խմբավորումը վերահսկողության տակ է վերցրել Ուկրաինայի Սումիի մարզի Բասովկա բնակավայրը։ Այսմասին հայտնում է ՌԴ ռազմական գերատեսչությունը։

Իրանը մերժում է ԱՄՆ-ի՝ միջուկային ծրագրի շուրջ ուղիղ բանակցություններ սկսելու պահանջը և հակառակ դեպքում ռմբակոծվելու սպառնալիքը՝ առաջարկելով բանակցել միջնորդավորված՝ Օմանի միջոցով. այս մասին Reuters-ին, անձի գաղտնիության պայմանով, ասել է իրանցի բարձրաստիճան պաշտոնյան:

Մեծ Բրիտանիայի վարչապետ Քեյր Սթարմերի հետ զրույցից հետո Ֆրանսիայի նախագահ Էմանյուել Մակրոնը հայտարարել է, որ երկու երկրները վերահաստատել են իրենց վճռականությունը՝ սերտորեն համակարգելու դիրքորոշումը ԱՄՆ նախագահ Դոնալդ Թրամփի հետ մաքսատուրքերի քննարկման հարցում:

Թուրքիայի, Ադրբեջանի և Վրաստանի խորհրդարանների միջև կստեղծվի եռակողմ համագործակցության մեխանիզմ։ Այս մասին պայմանավորվածություն է ձեռք բերվել Տաշքենդում Թուրքիայի Ազգային մեծ ժողովի նախագահ Նուման Քուրթուլմուշի և նրա վրացի գործընկեր Շալվա Պապուաշվիլիի հանդիպման ժամանակ։

Թրամփի վարչակազմի հերթական ներկայացուցիչն անդրադարձել է Հայաստան-Ադրբեջան, այսպես կոչված, Խաղաղության համաձայնագրի ստորագրման թեմային։