Միջազգային

Եվրամիությունը լիովին ավարտել է Աֆղանստանում իր դիվանագիտական ներկայացուցչության անձնակազմի տարհանումը, բացառությամբ դիվանագետների փոքր խմբի, որոնք համակարգում են Եվրամիության պետությունների տարհանման ջանքերը: Այդ մասին հայտնել է Եվրամիության արտաքին քաղաքական ծառայության ներկայացուցիչ Պետեր Ստանոն։

Կորոնավիրուսի համավարակի պատճառով ընդհատումից հետո Israir Airlines իսրայելական ավիաընկերությունը սեպտեմբերից վերսկսում է թռիչքները Թել-Ավիվ-Բաթում ուղղությամբ: Այդ մասին հայտարարել է Վրաստանի Էկոնոմիկայի փոխնախարար Մարիամ Կվրիվիշվիլին:

Եթե ​​Հայաստանը չհանձնվեր, մենք մեծ կորուստներ կունենայինք: Այս մասին, ըստ news.am-ի՝ հայտարարել է Ադրբեջանի նախագահ Իլհամ Ալիեւը վերջին պատերազմի մասնակիցների ընտանիքներին բնակարաններով ու ավտոմեքենաներով ապահովելու արարողությանը, հայտնում են ադրբեջանական լրատվամիջոցները:

ՆԱՏՕ-ի գլխավոր քարտուղար Ենս Ստոլտենբերգը կարծիք է հայտնել, որ Քաբուլի օդանավակայանում ահաբեկչական ակտի սպառնալիքն օրեցօր աճում է, խոսքը իրական, այլ ոչ թե տեսական վտանգավորության մասին է: Այդ մասին նա հայտարարել է Financial Times թերթին տված հարցազրույցում:

Չինաստանը պատրաստ է միջազգային հանրակցության հետ միասին աշխատել խաղաղ վերականգնմանը, կենսապայմանների բարելավմանը եւ Աֆղանստանի ինքնուրույն զարգացման հնարավորություններին աջակցելու համար: Այդ մասին հայտարարել է Չինաստանի առեւտրի նախարարության պաշտոնական ներկայացուցիչ Գաո Ֆենը:

«Թալիբան» արմատական շարժումը եւ Հյուսիսային դաշինքը (Աֆղանստանի փրկության միացյալ ճակատը) համաձայնության են եկել ձեռնպահ մնալու ռազմական գործողություններից եւ հարձակումներ չկատարելու միմյանց վրա: Օգոստոսի 26-ին այդ մասին հաղորդել է Geo TV հեռուստաալիքը՝ վկայակոչելով աղբյուրներ։

Ադրբեջանցի 120 զինվորականներ, ովքեր թուրքական ուժերի հետ համատեղ ծառայություն էին իրականացնում Քաբուլի օդանավակայանում, օգոստոսի 26-ին վերադարձել են Աֆղանստանից։ Այս մասին հայտնում են ադրբեջանական ԶԼՄ-ները։

Հնդկաստանի, Ճապոնիայի, Ավստրալիայի եւ ԱՄՆ-ի ռազմածվային ուժերի նավերն օգոստոսի 26-ին սկսել են «Մալաբար» բազմակողմանի զորավարժությունները Խաղաղ օվկիանոսի արեւմտյան մասում: Այդ մասին հաղորդել է Հնդկաստանի պաշտպանության նախարարության մամուլի ծառայությունը՝ երկրի կառավարության լրատվական կայքում:

Բրազիլիայի իշխանությունները ձերբակալել են երկու ֆրանսիացիների, որոնք առանց թույլտվության բարձրացել են Ամենափրկիչ Հիսուսի արձանի ամենաբարձր կետը: Այդ մասին հաղորդել է O Globo թերթը՝ վկայակոչելով ոստիկանությանը:

Թուրքիայի պաշտպանության նախարար Հուլուսի Աքարը հայտնել է, որ թուրք զինվորները հաջողությամբ իրականացրել են Աֆղանստանում իրենց վստահված պարտականությունները և այժմ սկսվել է նրանց դուրսբերման գործընթացը: Այս մասին տեղեկացնում է ermenihaber.am-ը։

Ավելի վաղ Միացյալ Թագավորության ԱԳ նախարար Դոմինիկ Ռաբը հայտարարել է, որ Լոնդոնն ստիպված կլինի Աֆղանստանի շուրջ բանակցություններին ներգրավել այն երկրները, որոնք ազդեցություն ունեն «Թալիբան»-ի վրա, մասնավորապես Ռուսաստանը եւ Չինաստանը, «որքան էլ որ դա հարմար չլինի»:

Իրանի նախագահ Էբրահիմ Ռայիսին օգոստոսի 26-ին անցկացրել է երկրի նոր կառավարության առաջին նիստը: Նիստի ընթացքում հայտարարվել է Ժողովրդական կառավարության ղեկավարների հռչակագրի ընդունման մասին, որը պարտավորվում են ստորագրել նախարարների կաբինետի բոլոր անդամները:

Ադրբեջանի պաշտպանության նախարարությունից հաստատել են բանակի շարքային զինվոր Բաբաև Ջամիլ Նագիթ օղլուի՝ հայկական կողմում հայտնվելու փաստը:

Թուրքիայի ազգային պաշտպանության նախարար Հուլուսի Աքարը հայտնել է, որ թուրքական կողմն ամեն ինչ անում է, որպեսզի հնարավորինս արագ ավարտի Աֆղանստանից իր ռազմական անձնակազմի տարհանումը։ Այս մասին հայտնում է թուրքական «Անադոլու» լրատվական գործակալությունը։

Առնվազն չորս մարդ է զոհվել եւ մեկը վիրավորվել Բենթոնի օկրուգում (Վաշինգտոնի նահանգ) հրաձգության եւ հրկիզումների հետ կապված մի շարք միջադեպերի հետեւանքով: Օգոստոսի 25-ին այդ մասին հաղորդել է CBS հեռուստաալիքի տեղական բաժանմունքը՝ վկայակոչելով իշխանություններին:

«Ռոսօբորոնէքսպորտ» ընկերությունը ծրագրեր է իրականացնում թուրք գործընկերների հետ՝ ցամաքային զորքերի համար տեխնիկա ստեղծելու ոլորտում: Ինչպես փոխանցում է ՏԱՍՍ գործակալությունը՝ այս մասին հայտնել են ընկերության մամուլի ծառայությունից՝ «Բանակ-2021» միջազգային ռազմատեխնիկական համաժողովի ընթացքում:

«Թալիբան» շարժման ներկայացուցիչը հայտարարել է, որ իր զինյալները շարունակում են քաղաքացիական բնակչությանը պաշտպանել Քաբուլի օդանավակայանի սահմաններից դուրս, սակայն նախազգուշացրել է ԻՊ-ի կողմից հնարավոր ահաբեկչական գործողությունների մասին:

Արեւմտյան երկրները Քաբուլից տանում են այն մարդկանց, ովքեր կարող էին օգուտ բերել Աֆղանստանին: Այդ մասին հայտարարել է «Թալիբան» շարժման ներկայացուցիչ Զաբիհուլլա Մուջահիդն օգոստոսի 24-ին The New York Times թերթում հրապարակված հարցազրույցում:

Անհայտ անձը Տանզանիայի մայրաքաղաք Դար-էս-Սալամում կրակ է բացել Ֆրանսիայի դեսպանատան մոտակայքում:  Այս մասին հայտնում է Reuters-ը:

Թուրքիայի ազգային պաշտպանության նախարարությունը հայտարարել է, որ սկսել է Աֆղանստանից դուրս բերման գործընթացը։ Նախարարությունը հիշեցրել է, որ ՄԱԿ-ի ու ՆԱՏՕ-ի առաքելությունների շրջանակներում, ինչպես նաև՝ երկկողմ համաձայնությունների հիման վրա թուրքական զինուժը 2002 թվականից ծառայություն էր իրականացնում Աֆղանստանում։ 

ԱՄՆ-ի շուրջ 1,5 հազար քաղաքացիներ և ամերիկյան այցագրեր ունեցողներ են հավաքվել Քաբուլի օդանավակայանի մոտ՝ հույս ունենալով անցնելու օդանավակայանի տարածք և տարհանվելու Միացյալ Նահանգներ:  Օգոստոսի 25-ին այդ մասին հայտնել է Reuters գործակալությունը՝ վկայակոչելով արևմտյան դիվանագետի, որը գերադասել է չհայտնել անունը:

Օգոստոսի 26-ին 5,8 մագնիտուդով երկրաշարժ է տեղի ունեցել ՉԺՀ-ի հյուսիս – արեւմուտքում՝ Ցինհայի եւ Գանսուի նահանգների սահմանագծին: Այդ մասին հայտնել է Հոնկոնգի դիտարանի սեյսմոլոգիական ցանցը, որն ստորգետնյա ցնցումները գրանցել է տեղական ժամանակով 07:38-ին (Երեւանի ժամանակով 03:38-ին):

Թուրք հեռուստահաղորդավարուհի Դիդեմ Արսլան Յըլմազը արգելել է ուղիղ եթերում քրդերեն խոսել, ինչը վերջինիս դեմ սոցցանցերում բուռն դժգոհության ու բողոքի ալիք է առաջացրել։

Օգոստոսի 25-ին Բենդեր Էնզելի նավահանգստում տեղի է ունեցել Միջազգային բանակային խաղերի «Ծովի գավաթ» մրցույթի բացման արարողությունը: Այս մասին հայտնել է Ռեշտում ՌԴ-ի գլխավոր հյուպատոսության մամուլի ծառայությունը:

«Թալիբան» արմատական իսլամական շարժումը կարգադրություն է հրապարակել, համապատասխան որի, արգելված է երկրից դուրս բերել դոլար եւ հին արժեքավոր առարկաներ։

Ախարհում անցած շաբաթ ավելի քան 4,5 միլիոն մարդ է վարակվել կորոնավիրուսով եւ ավելի քան 68.000–ը մահացել: Ինչպես օգոստոսի լույս 25-ի գիշերը հաղորդել է Առողջապահության համաշխարհային կազմակերպությունը (ԱՀԿ), յոթ օրում ախտահարման նոր դեպքերի թիվն ավելի քան 80.000–ով գերազանցել Է նախորդ շաբաթվա ցուցանիշները, իսկ մահացության ցուցանիշներն՝ ավելի քան 1800–ով:

Աշխարհում կորոնավիրուսի դեմ կատարված պատվաստումների թիվը գերազանցել է 5 միլիարդը: Դրանց շուրջ կեսը բաժին է ընկնում երկու երկրների՝  Չինաստանին (1,96 միլարդ) և Հնդկաստանին (0,59 միլիարդ), վկայում են ՏԱՍՍ-ի հաշվարկները՝ իշխանությունների պաշտոնական հայտարարությունների և զանգվածային լրատվամիջոցների վիճակագրության հիման վրա։

Ռուսաստանի պետական պարտքն ընթացիկ տարվա առաջին վեց ամսվա արդյունքներով աճել է 1,483 տրիլիոն ռուբլով՝ հասնելով 20,4 տրիլիոն ռուբլու կամ ՀՆԱ-ի 17,7 տոկոսի: Այդ մասին նշվում է Հաշվիչ պալատի վերլուծական գրության մեջ:

Չինական PetroChina էներգետիկական ընկերությունը (Չինական ազգային նավթագազային կորպորացիայի դուստր ձեռնարկություն) թերթաքարային նավթի զգալի պաշարներ Է հայտնաբերել Դացինի նավթի խոշորագույն հանքավայրում, որը գտնվում է ՉԺՀ-ի Հույլունցզյան հյուսիսարեւելյան նահանգում: Այս մասին ասվում է ընկերության հաղորդագրության մեջ:

Կալինինգրադի ոստիկանությունը Հայրենական մեծ պատերազմի ժամանակների զենքի եւ զինամթերքի խոշոր զինանոց է հայտնաբերել Կալինինգրադում: Այս մասին լրագրողներին հայտնել է ՆԳ նախարարության տարածաշրջանային վարչության մամուլի ծառայության ղեկավար Սվետլանա Պոստավնիչայան: