Ճակատեն-Ծավ հատվածում կրակոցները դադարել են, Վարդենիսում կրակոցները ոչ ինտենսիվ, բայց շարունակվում են
«Ծավում գիշերը հանգիստ է անցել. Ճակատեն-Ծավ հատվածում այս պահին ևս կրակոցներ չկան»,- 168.am–ի հետ զրույցում ասաց Կապան համայնքի Ծավ գյուղի վարչական ղեկավար Սեյրան Զաքարյանը:
Հիշեցնենք՝ Ճակատեն-Ծավ սահմանային հատվածում (Ճակատեն, Շիկահող, Սրաշեն, Ներքին Հանդ, Ծավ) իրավիճակն ադրբեջանական ագրեսիայի հետևանքով սեպտեմբերի 13-ին ժամեր շարունակ լարված էր։
Վարդենիսում իրավիճակը ևս համեմատաբար խաղաղ է եղել. տեղեկությունը փոխանցեց համայնքի ղեկավար Ահարոն Խաչատրյանը:
«Հանգիստ է. երեկ երեկոյան 6-ից միչև հիմա հանգիստ է՝ բացի Վերին Շորժա հատվածից, որտեղ կրակոցներ կան, բայց նախկին ինտենսիվությամբ չեն»,- ասաց նա:
