ՄԱԿ-ի մարդու իրավունքների խորհրդի հանձնաժողովի հատուկ զեկույցի համաձայն՝ Իսրայելն ու պաղեստինցիները 2014թ. ամռանը իրականացրել են ռազմական հանցագործություններ Գազայի հատվածում, հայտնում է BBC-ի ռուսական ծառայությունը:
Նախագահ Սերժ Սարգսյանն այսօր ընդունել է Ամերիկայի հայկական համագումարի (ԱՀՀ) հոգաբարձուների խորհրդի համանախագահ Էնթոնի Բարսամյանին: Հանդիպմանը ներկա են եղել նաև ԱՀՀ տարածաշրջանային տնօրեն Արփի Վարդանյանը և ԱՀՀ տնօրենների խորհրդի անդամ Րաֆֆի Քասարջյանը:
«Ինձ շատ է անհանգստացնում հրադադարի ռեժիմի պարբերական խախտումները: Մենք տեսնում ենք, թե ինչ է տեղի ունենում Հայաստանի ու Ադրբեջանի միջև՝ Լեռնային Ղարաբաղում, և երկու կողմերն էլ գրեթե ամեն օր մարդկային կորուստներ են ունենում»,– ասել է նա:
Հունիսի 22-ին, ժամը 22.15-ին, ոստիկանության քրեական հետախուզության գլխավոր վարչության և «Զվարթնոց» օդանավակայանի գծային բաժնի ծառայողները օդանավակայանից հայտնաբերել և ՔՀԳՎ բերման են ենթարկել Լիբանանի Հանրապետության քաղաքացի, 1977 թ. ծնված Արթին Մ.-ին, որը 2010 թ. մարտի 24-ից Արաբական Միացյալ Էմիրությունների իրավապահ մարմինների կողմից հետախուզվում էր ֆինանսական խարդախություններ կատարելու մեղադրանքով:
Անհերքելի ճշմարտություն է եւ ժողովրդավարական երկրների համար օրենք, որ հավաքների, երթերի ժամանակ ուժային կառույցներն իրավունք չունեն խոչընդոտելու լրագրողների մասնագիտական գործունեությունը:
ԵԱՀԿ երեւանյան գրասենյակը մտահոգված է քաղաքացիական խմբերի նախաձեռնությամբ կազմակերպված հանրահավաքի վերջին զարգացումների առնչությամբ՝ ՀՀ կառավարության Հայաստանում էլեկտրաէներգիայի գնի բարձրացման որոշման հետ կապված:
Սպիտակ տան նախկին շեֆ խոհարար Ուոլտեր Շեյբը Նյու Մեքսիկոյի լեռներում մահացած է հայտնաբերվել, հայտնում է BBC-ի ռուսական ծառայությունը:
Հունիսի 23-ի վաղ առավոտյան, երբ ոստիկանության ստորաբաժանումները, բիրտ ուժ կիրառելով, ցրել են մայրաքաղաքի Բաղրամյանի պողոտայում իրականացվող՝ էլեկտրաէներգիայի թանկացման դեմ բողոքի ակցիայի մասնակիցներին, ֆիզիկական բռնության են ենթարկվել 13 լրագրող ու օպերատոր, խոչընդոտվել է տարբեր ԶԼՄ-ների մոտ 15 ներկայացուցչի օրինական մասնագիտական գործունեությունը, կոտրվել կամ վնասվել են նրանցից շատերի նկարահանող սարքերը, ոչնչացվել են տեսագրություններ ու լուսանկարներ։
Հունիսի 24-ին սպասվում է առանց տեղումների եղանակ: Հունիսի 25-ին, 28-ին հյուսիսային շրջաններում, հունիսի 26-27-ին շրջանների զգալի մասում երեկոյան ժամերին և գիշերվա առաջին կեսին սպասվում է կարճատև անձրև և ամպրոպ, առանձին վայրերում` կարկուտ, ամպրոպի ժամանակ սպասվում է քամու ուժգնացում` 20-25մ/վրկ արագությամբ:
Էլեկտրաէներգիայի թանկացմամբ պայմանավորված երեկ՝ 22.06.2015թ. երթին մասնակցած և դրանով իսկ քրեական կամ վարչական պատասխանատվության ենթարկվելու վտանգի առաջ կանգնած քաղաքացիներին անվճար իրավաբանական օգնություն տրամադրելու պատրաստակամություն հայտնած փաստաբաների ցանկը:
Հիվանդանոցից ոստիկանության Նաիրիի բաժնում հաղորդում էր ստացվել, որ «ձախ վերհոնքային շրջանի սալջարդ վերք» ախտորոշմամբ բուժօգնության է դիմել 1978 թ. ծնված Էդգար Ա.-ն և հայտնել, որ իրենց բակում վայր է ընկել:
Ռուսաստանի ավերիչ ազդեցությունը ավելացել է երկրաչափական պրոգրեսիայով. Freedom House
Վերջին տասնամյակում Ռուսաստանը առավել զգալի է հեռացել դեմոկրատական չափանիշներից, նշված է Freedom House իրավապաշտպան կազմակերպության նոր զեկույցում: Հետազոտողները մատնանշում են, որ ավտորիտար պետությունները դիմել են վճռական քայլերի, որպեսզի արգելափակեն նոր դեմոկրատիայի ձևավորումը Եվրոպայում կամ Եվրասիայում: Սակայն հենց ՌԴ-ն է Freedom House-ի զեկույցն անվանում եվրասիայի խոշորագույն հակադեմոկրատական ուժը: Ռուսաստանի նախագահ Վլադիմիր Պուտինի կողմից Ղրիմը բռնակցելն ու Ուկրաինայի արևելքում անջատողականներին աջակցելը հարուցել է «կասկադի էֆեկտ»՝ ճնշելով դեմոկրատիան հենց Ռուսաստանում ու ոգևորել է հարևան երկրների ռեժիմներին՝ դիմելու նմանատիպ քայլերի:
Ինչպես «Ազատություն» ռադիոկայանին հայտնել է զեկույցի հեղինակ Սիլվանա Գաբդանկ-Կոլաչկովսկան, անցած տարի Ռուսատանի ավերիչ ազդեցությունը աճել է երկրաչափական պրոգրեսիայով «ռուսական ագրեսիայի ուժեղացման շնորհիվ»:
Նրա խոսքով՝ դեմոկրատիայի ու ազատության ճնշման հետևանքներ զգացվել են Ռուսաստանում ու դրա սահմաններից դուրս: Նա մատնանշում է ինտերնետ-ԶԼՄ-ների հետապնդումները, ընդդիմադիր գործիչների ու քաղաքացիական հասարակության ներկայացուցիչների հետապնդումները:
ՀՀ քննչական կոմիտեի Երևանի քննչական վարչությունում հարուցվել է քրեական գործ՝ 7-րդ դասարանի աշակերտի մահվան պատճառ դարձած ավտովթարի դեպքի առթիվ:
ՀՀ Հանրային խորհրդի նախագահ Վազգեն Մանուկյանն Անկախ-ի հետ զրույցում ներկայացրել է Էլեկտրաէնեգիայի սակագնի բարձրացման հետևանքով ստեղծված իրավիճակի, բողոքի ցույցերի և հետագա զարգացումների վերաբերյալ իր դիրքորոշումն ու առաջարկները: -Պարոն Մանուկյան, էլեկտրաէներգիայի սակագնի բարձրացման որոշումից հետո հասարակական լարվածությունը խորացավ՝ հանգեցնելով վերջին իրադարձություններին: Ինչպե՞ս եք գնահատում բողոքի ցույցերն ու ակտիվիստների պահանջները: -Երիտասարդների վրդովմունքն ու ցույցերն արդարացված են: Իսկապես […]
Իրավապաշտպան Freedom House կազմակերպությունը հրապարակել է իր ամենամյա «Անցումային շրջանի երկրները-2015» զեկույցը, որտեղ անալիզի է ենթարկել 25 պետությունում ստեղծված իրավիճակը՝ Կենտրոնական Ասիայից մինչև Կենտրոնական Եվրոպա, հայտնում է «Գոլոս Ամերիկին»:
ՀՀ հատուկ քննչական ծառայությունում քննվող քրեական գործի նախաքննության ընթացքում ՀՀ քննչական կոմիտեի զինվորական քննչական գլխավոր վարչության 2-րդ կայազորային քննչական բաժնի քննիչ Արթուր Ս.-ին ՀՀ քրեական օրենսգրքի 311-րդ հոդվածի 3-րդ մասի 3-րդ կետով, 34-178-րդ հոդվածի 2-րդ մասի 5-րդ կետով և 38-34-312-րդ հոդվածի 2-րդ մասի 3-րդ կետով մեղադրանք է առաջադրվել:
Հունիսի 22-ին ԵԽԽՎ-ում տեղի է ունեցել քննարկում ԵԽԽՎ բյուրոյի աշխատանքների վերաբերյալ, որին մասնակցել է նաև հայկական պատվիրակության ղեկավար Հերմինե Նաղդալյանը, ով իր ելույթը գրավոր ներկայացրել է ԵԽԽՎ-ին՝ կոչ անելով Վեհաժողովին իր ընդունած որոշումներով պահել գործընկերության ոգին , ինչպես նաև, չսրել իրավիճակը ԼՂ հակամարտության խաղաղ կարգավորման հարցում:
Հիմունքների ընդունմամբ կոմիտե ստեղծելու որոշման և այդ մասին հայտարարելու նպատակով հունիսի 24-ին, չորեքշաբթի օրը, ժամը 12-ին, Քաղաքագետների միության գրասենյակում (Մոսկովյան 33 ա) կազմակերպվում է Հիմնադիրների ժողով՝ մամուլի ներկայությամբ:
«Ընդունված է ասել, որ հայ ժողովուրդը չի ընդվզում սոցիալական խնդիրների պատճառով՝ իր ուժերը մոբիլիզացնելով միայն ազգային անվտանգության սպառնալիքի դեպքում: Հենց այդ տեսությունն է ընկած երկար տարիների թալանի ու կոռուպցիայի հիմքում»,-հայտարարել է Խզմալյանը:
«Ո´չ թալանին» ակցիայի կազմակերպիչները կոչ են անում Հայաստանի քաղաքացիներին շարունակել բողոքը այսօր՝ ժ. 18:00-ին Ազատության հրապարակում, գրում է «Ռոսբալտը»՝ նշելով, որ նրանք պահանջում են ազատ արձակել ավելի վաղ ձերբակալված ակտիվիստներին:
Բերման ենթարկվածներից մի մասի գտնվելու վայրը հարազատների համար անհայտ է: Ոստիկանությունը նաև խոչընդոտել է ԶԼՄ ներկայացուցիչների աշխատանքը և ուժ է կիրառել հավաքը լուսաբանող լրագրողների նկատմամբ։
Քիչ առաջ 168.am-ը հեռախոսազրույց ունեցավ դերասան Հայկ Մարությանի՝ «Կարգին Հայկոյի» հետ, ով օրեր առաջ տեսակոչով միացել էր «Ո՛չ թալանին» նախաձեռնությանը՝ պայքարելու էլեկտրոէներգիայի սակագնի թանկացման դեմ:
«Բողոքի մասնակիցներին մտադիր են միանալ Գյումրի ու Սևան քաղաքների բնակիչները: Այս մասին հայտնել են «Ո´չ թալանին» նախաձեռնության անդամները: Նրանց խոսքով՝ Գյումրիի բնակիչները արդեն միացել են ակցիային, մյուսները քաղաք տանող ճանապարհին են»,-գրում է կայքը:
«Ալյանս» առաջադիմական ցենտրիստական կուսակցությունը խիստ դատապարտում է էլեկտրաէներգիայի թանկացման դեմ պայքարող մեր քաղաքացիների նկատմամբ տեղի ունեցած բռնությունները:
Այն, ինչ տեղի ունեցավ առավոտյան, չի դիմանում որևիցե քննադատության: Ցուցարարներն իրացնում էին ՀՀ Սահմանադրությամբ իրենց տրված իրավունքը՝ խաղաղ, առանց բռնության կոչերի: Ոստիկանության գործողություններն անհամաչափ էին, տեղ-տեղ աչքի էին ընկնում հատուկ դաժանությամբ: Վստահ ենք, որ ցուցարարների պայքարն արդար էր՝ նրանք փողոց էին դուրս եկել՝ ոչ ասելու հերթական կամայական ու չհիմնավորված որոշմանը:
Обозреватель-ը, անդրադառնալով երևանյան բողոքի ակցիային, գրում է, թե Երևանում բողոքի ակցիայի մասնակիցներին դաժանորեն ծեծել են քաղաքացիական հագուստներ հագած իրավապահները՝ հղում կատարելով Facebook-ում ակտիվիստ Զառա Հարությունյանի գրառմանը:
ՀՀ Սահմանադրության 14-րդ հոդվածի համաձայն՝ մարդու արժանապատվությունը որպես նրա իրավունքների և ազատությունների անքակտելի հիմք պաշտպանվում և հարգվում է պետության կողմից:
Российская газета-ն «Ոստիկանությունը Երևանում ցրեց «էներգամայդանը» խորագրով հոդվածում անդրադարձել է այսօր Երևանում ոստիկանների կողմից ջրցան մեքենաների օգնությամբ Բաղրամյան պողոտայում նստացույց արող մասնակիցներին փողոցից հեռացնելու հանգամանքին:
168.am-ը զրուցեց ռեժիսորի հետ: «Ես վաղուց սպասելիք չունեմ, բայց չեմ կարող այսօր Ազատության հրապարակում չլինել»,- ասաց նա:
168.am-ի հետ զրույցում այս մասին հայտնեց այս պահին Արաբկիրի քննչական բաժնում գտնվող Երևանի ավագանու «Բարև Երևան» ընդդիմադիր խմբակցության անդամ Անահիտ Բախշյանը:
